SuperAngkor News | Cambodia News | Khmer News | World News | News | Health | Technoloy | Star | Travel

អ្នកចម្រៀង ឱក សុម៉ារីម៉ា ដែលបានធ្វើដំណើរឆ្លងប្រទេស ទៅច្រៀងរាំ ដើម្បីបំពេរអារម្មណ៍បងប្អូនខ្មែរនៅអាមេរិក ពេលនេះត្រូវបានប្រភពពីបងប្អូនខ្មែរដែលរស់នៅសហរដ្ឋអាមេរិក បានបង្ហើបឲ្យដឹងថា តារាចម្រៀងរូបនេះ កំពុងតែបន្តច្រៀងរាំ ប៉ុន្តែរហូតមកទល់នឹងពេលនេះ មានរយៈពេលជិតជាងកន្លះឆ្នាំហើយ មិនទាន់ឃើញវត្តមានរបស់នាងវិលចូលស្រុកវិញនៅឡើយទេ។ តើមានមូលហេតុអ្វី ធ្វើឱ្យតារាចម្រៀងរូបនេះ បន្តច្រៀងនៅអាមេរិកហួសកំណត់បែបនេះ ឬមួយនាងចង់រស់នៅទីនោះ?។

តាមការគ្រោងទុក តារាចម្រៀង ឱក សុម៉ារីម៉ា ត្រូវច្រៀងនៅសហរដ្ឋអាមេរិកតែពី ៣ ខែ រហូតដល់ ៦ខែ ប៉ុណ្ណោះ ប៉ុន្ដែរហូតដល់ពេលនេះ បានអូសបន្លាយពេលដល់ទៅជិត ៨ខែ ទៅហើយ នៅមិនទាន់ត្រឡប់មកស្រុកខ្មែរវិញនៅឡើយ។

បើយោងតាមប្រភពពីបងប្អូនខ្មែរដែលរស់នៅក្រៅប្រទេស និយាយក្នុងលក្ខខណ្ឌសុំមិនបញ្ចេញឈ្មោះ បានឲ្យដឹងថា តារាចម្រៀងមេម៉ាយ វ័យក្មេង ឱក សុម៉ារីម៉ា ពេលនេះ កំពុងបន្តរស់នៅទីនោះ ហើយគេមិនដឹងថាមានបញ្ហាអ្វីឬយ៉ាងណាទេ តែប្រហែលអាចមានអ្នកគាំទ្រនាង មិនទាន់ចង់ឲ្យនាងត្រឡប់មកវិញ ឬយ៉ាងណា ក៏គេមិនទាន់ដឹង គ្រាន់តែដឹងថា រហូតមកដល់ពេលនេះ គេមិនទាន់ឃើញវត្តមានរបស់តារាចម្រៀង សម្បុរខ្មៅស្រអែមរូបនេះ មកដល់ប្រទេសកម្ពុជាវិញទេ។ ស្របពេលដែលទីផ្សារការងារសិល្បៈ កំពុងតែស្ងប់ស្ងាត់ អ្នកសិល្បៈជាច្រើនប្រាថ្នាការចាក ចេញទៅច្រៀងរាំក្រៅប្រទេស ព្រោះវាជាទីផ្សារតែមួយសម្រាប់ឱកាសកើបប្រាក់។

ប៉ុន្តែកន្លងមកតារាសម្តែងស្ទើរតែទាំងអស់ ត្រូវបានក្រុមហ៊ុន ឬក៏សមាគមជាអ្នកធានាពួកគេក្នុងការចាកចេញទៅច្រៀង ក្នុងនោះ មានកិច្ចសន្សាជាច្រើន រួមទាំងសំណងមួយចំនួនធំ ប្រសិនបើអ្នកសិល្បៈទាំងនោះគេចខ្លួនមិនព្រមវិលមកមាតុប្រទេសវិញ តាមកិច្ចសន្យា។

ឱក សុម៉ារីម៉ា បានចេញទៅច្រៀងនៅលើទឹកដីអាមេរិកជាលើកទី២ កាលពីខែធ្នូ ឆ្នាំ២០១២។ នាងគឺជាតារាចម្រៀងមួយរូប ដែលមានប្រជាប្រិយភាពខ្លាំងរាល់ការសម្ដែងច្រៀងនៅក្រៅប្រទេស។ តារារូបនេះ ធ្លាប់ចេញទៅប្រទេសក្រៅ ដូចជា ប្រទេសកាណាដា អូស្ត្រាលី និងបារាំង៕