SuperAngkor News | Cambodia News | Khmer News | World News | News | Health | Technoloy | Star | Travel

តារាចម្រៀងស្រីកញ្ញា គង់ ច័ន្ទសូរិយា ធ្លាយរឿងបែកបាក់ស្នេហ៍ ស្របពេលនាងបានប្រកាសខ្លួនវិលចូល ប្រឡូកជាថ្មីឡើងវិញក្នុងពិភពសិល្បៈ ។ កាលពីថ្មីៗនេះកញ្ញា គង់ ច័ន្ទសូរិយា ទាក់ទងរឿងជីវិតស្នេហ៍ឯកជនខាង ក្រៅ នាងបានឱ្យដឹងថា បច្ចុប្បន្ននេះនាងមិនទាន់គិតគូរដល់រឿងនេះទេ ព្រោះជាប់រវល់រឿងការងាររកស៊ី ។

ចំណែកក្នុងបេះដូងនាងក៏មិនទាន់មានបុរសម្នាក់ណាដែរ ក្រោយពីបានបែកបាក់ស្នេហ៍ម្តងកាលពីជិត៣ឆ្នាំមុនមកនោះ។ នាងពិតជាបាក់បែកបាក់ស្នេហ៍ពិតមែន តែមិនមែនទើបតែបែកគ្នាថ្មីៗនេះនោះទេ គឺបានបែកគ្នាជិត៣ឆ្នាំមកហើយ ។ ចំណែកឯការវិលចូលសិល្បៈជាថ្មីនោះ គឺ មិនមែនដោយសារតែការបែកស្នេហ៍ទើបវិលចូលនោះទេ ប៉ុន្តែមកពីនាងស្រឡាញ់វិស័យសិល្បៈ ទើបសម្រេចចិត្តប្រកាសចូលខ្លួនជាថ្មីបែបនេះ។

ស្រីស្រស់រូបនេះបានបញ្ជាក់ថា ការវិលមកចូលសិល្បៈវិញនេះ គឺដោយសារតែនាងនៅស្រឡាញ់ និងចង់បម្រើដល់អារម្មណ៍ទស្សនិកជនជាថ្មីឡើងវិញ ។ បន្ទាប់ពីនាងបានផ្អាកអស់មួយរយៈធំដោយសារការជាប់រវល់ការងាររកស៊ីផ្ទាល់ខ្លួនខាងក្រៅនោះ ។

កញ្ញា គង់ ច័ន្ទសូរិយា បានបន្តថា បច្ចុប្បន្ននេះបើនិយាយពីការងារសិល្បៈគឺមិនសូវរវល់នោះទេ ប៉ុន្តែរវល់ច្រើនទៅលើការងាររកស៊ីផ្ទាល់ខ្លួនច្រើនជាង ព្រោះសព្វថ្ងៃនាងបើកហាងលក់គ្រឿងក្រអូបនិងលក់សម្លៀកបំពាក់នៅផ្សារបឹង ត្របែកផ្លាហ្សា ។ ជាពិសេសនាងឧស្សាហ៍ចុះឡើងទៅក្រៅប្រទេសដើម្បីយកផលិតផលមកលក់នៅស្រុកយើងវិញ។

ទោះបីជាយ៉ាងណាក្តី តារាចម្រៀងសម្រស់ឆើតកញ្ញា គង់ ច័ន្ទសូរិយា ក៏មានគម្រោងត្រៀមនឹងចេញទៅច្រៀនិងសម្តែងនៅប្រទេសកាណាដា នាអំឡុងខែកក្កដា តបតាមការអញ្ជើញរបស់ប្រធានសមាគមខ្មែរនៅទីនោះផងដែរ ។

សូមរំលឹកថា តារាចម្រៀងគង់ ច័ន្ទសូរិយា ធ្លាប់ច្រៀងតាមរោងការ ហើយនាងកាចឆ្នាសឆ្នើមតែក្នុងរឿងទេឯធាតុពិតខាងក្រៅគឺស្លូតបូតណាស់ ។ នាងក្លាយជាអ្នកសិល្បៈដោយចូលប្រឡូកក្នុងពិភពនេះនាឆ្នាំ១៩៩៨ដល់២០១០ ក្រោយ ពីប្រឡងចម្រៀងនៅប៉ុស្តិ៍លេខ៥ ៕