SuperAngkor News | Cambodia News | Khmer News | World News | News | Health | Technoloy | Star | Travel

បច្ចុប្បន្ននេះមាន បច្ចេកវិទ្យាថ្មពិលជាច្រើន ដែលអ្នកវិទ្យាសាស្ត្រ កំពុងសិក្សាផ្តោតលើ ។ ប៉ុន្តែថ្មីបំផុតនេះ ពួកគេទើបធ្វើការដាក់បង្ហាញ បច្ចេកវិទ្យាថ្មពិលថ្មី ផលិតពីសរសៃឈើ និងសូដ្យូម (Sodium) ។ តាមរបាយការណ៍ របស់ Sciene Recorder នោះក្រុមអ្នកវិទ្យសាស្ត្រពីវត្ថុធាតុ នៃសកលវិទ្យាល័យ Maryland បានជោគជ័យក្នុងការស្រាវជ្រាវរកឃើញ ថ្មពិលបង្កើតពីសរសៃឈើ និងសូដ្យូម ដែលនាំឲ្យថ្មពិលមានអាយុវែងជាងប្រភេទថ្មពិល Lithium បច្ចុប្បន្នដល់ទៅ ៤០០ដង ។

ថ្មពិលនេះនឹងចាប់យកសរសៃឈើ ធ្វើជាវត្ថុធាតុគ្រឹះ គួបផ្សំជាមួយ Solium នៅខាងក្នុង ហើយសំបកក្រៅធ្វើពីស័ង្កសី ។ បណ្តាសរសៃឈើ នឹងកាត់បន្ថយការរួម និងប៉ោង ដែលតែងកើតឡើងជារឿយៗ ចំពោះថ្មពិល ហើយវាក៏ជាលក្ខណៈដំបូង ជួយឲ្យថ្មពិលមានអាយុវែង ។ លទ្ធផលនេះក៏បង្ក ការស្រឡាំងកាំង ចំពោះអ្នកវិទ្យាសាស្ត្រ នៃសកលវិទ្យាល័យ Maryland ដែរ ព្រោះថា វាក្លាយជាបច្ចេកវិទ្យា ធ្វើឲ្យកើនអាយុបានវែងបំផុត ក្នុងចំណោមថ្មពិល nano បច្ចុប្បន្ននេះ ។

សាស្ត្រចារ្យ Liang Hu នៃសកលវិទ្យាល័យ Maryland ឲ្យដឹងថា អារម្មណ៍ទទួលបាន ផ្តើមចេញពីឈើ ធ្វើឲ្យយើងខ្ញុំចាប់ផ្តើមមានគោលគំនិត ផលិតថ្មពិលពីវត្ថុធាតុធម្មជាតិ ស្និទ្ធស្នាលនឹងបរិស្ថាននេះ ។ ឈើមាននៅគ្រប់ទីកន្លែង និងជាវត្ថុធាតុអស្ចារ្យ សម្រាប់ស្តុកអគ្គិសនី នៅវេលាខាងមុខ ។

របកគំហើញខាងលើ ត្រូវបានចាត់ទុកជា ជំហានលោតផ្លោះមួយ ពុំមែនដោយសារតែវា ឆ្លើយតបនឹងបញ្ហាបរិស្ថានប៉ុណ្ណោះទេ ប៉ុន្តែវានៅមានអត្ថន័យជ្រាលជ្រៅ ដល់ការផលិតថ្មពិល Na-ion ដែលមានចំណុះផ្ទុកបានច្រើនស្ថេរភាពខ្ពស់ ហើយចំណាយទាប ។ ទន្ទឹមនោះ វាក៏ជាបច្ចេកវិទ្យាមួយ ផ្តោតទៅលើថ្មពិលថាមពលព្រះអាទិត្យ ក៏ដូចជាបច្ចេកវិទ្យាស្រដៀងគ្នា ដទៃទៀតផងដែរ ៕