SuperAngkor News | Cambodia News | Khmer News | World News | News | Health | Technoloy | Star | Travel

លទ្ធផលពិសោធន៍ដំបូងរបស់វ៉ាក់សាំងព្យាបាលមហារីកអូវ៉េ បានបង្ហាញថា ប្រសិទ្ធិភាពយ៉ាងច្បាស់លាស់, ផ្តល់ក្តី សង្ឃឹមថ្មីសម្រាប់ស្ត្រីកំពុងទាល់ច្រកដោយសារជំងឺលាប់ឡើងវិញ ក្រោយការព្យាបាលច្រើនលើក។

ពួកអ្នកស្រាវជ្រាវពីសាលាពេទ្យ Perelmar ចំណុះសាកលវិទ្យាល័យ Pernsylvania ប្រកាសលទ្ធផលព្យាបាលសាក ល្បងដំបូងបង្ហាញថា ៣/៤ នៃចំនួនអ្នកជំងឺទទួលបានលទ្ធផលល្អក្នុងការព្យាបាល ២ ដំណាក់កាល ក្នុងនោះ អ្នកជំងឺម្នាក់បានជាជំងឺទាំងស្រុង។

Medical News Today បានឲ្យដឹងថា អ្នកដឹកនាំការស្រាវជ្រាវ -សាស្ត្រាចារ្យផ្នែករោគស្ត្រី, នាយកមជ្ឈមណ្ឌលស្រាវជ្រាវមហារីកអូវែ ចំណុះសាកលវិទ្យាល័យ Pernsylvania Lan Kandalaft បានអធិប្បាយលទ្ធផលពិសោធន៍ នៅសន្និបាតប្រចាំឆ្នាំ AACR 2012 ថ្ងៃ៣/៤/២០១៣ នៅវ៉ាស៊ីនតោន។

"យុទ្ធសាស្ត្រព្យាបាលអង្គបដិបក្ខ" រួមមាន ២ ជំហ៊ាន, ចាក់កោសិកាកន្ទុយបន្លា និងចិញ្ចឹមកោសិកា T ក្នុងសរីរាង្គអ្នកជំងឺ។ នេះជាលើកដំបូងវិទ្យាសាស្ត្រ គួបផ្សំវិធីសាស្ត្រអង្គបដិបក្ខ ដើម្បីព្យាបាលឲ្យអ្នកជំងឺមហារីកអូវែ" សាស្ត្រា ចារ្យ Vandalaft ឲ្យដឹង។

ការស្រាវជ្រាវត្រូវបានអនុវត្តលើអ្នកជំងឺមហារីកអូវែ ៣១ នាក់ កំពុងស្ថិតក្នុងដំណាក់កាល ៣ និង ៤ រើឡើងវិញ និងធ្ងន់ធ្ងរ។ ពួកអ្នកស្រាវជ្រាវរាយការណ៍ថា ក្នុងពេលវិធីព្យាបាលចាក់កោសិកាកន្ទុយបន្លា មានប្រសិទ្ធិភាពតែ ៦១% នោះការគួបផ្សំវិធីព្យាបាល២ ផ្តល់អត្រាជោគជ័យដល់ ៧៥%។ វ៉ាក់សាំងនឹងប្រើប្រាស់កោសិកាមហារី ដើម្បីបង្រៀន ឲ្យប្រព័ន្ធអង្គបិដបក្ខរបស់អ្នកជំងឺ វិធីវាយប្រហារ និងកម្ទេចកោសិកាមហារីក។

មហារីកអូវែ តែងត្រូវបានហៅថា "ឃាតករស្ងៀមស្ងាត់ ព្រោះជំងឺនេះ ពិបាករកឃើញក្នុងដំណាក់កាលដំបូង។ រោគសញ្ញាជំងឺងាយត្រូវច្រឡំជាមួយជំងឺធម្មតាដូចជា : ទល់ខ្យល់, ទល់លាមក, ឡើងទម្ងន់ និងបត់ជើងតូចច្រើនដង។ ពេលបានវិនិច្ឆ័យឃើញអ្នកជំងឺច្រើន នៅមានឱកាសនៅរស់តិចតួច"៕