ក្រុមហ៊ុន Microsoft នឹងបោះលុយចោលរហូតដល់ ៧,៦ ពាន់លានដុល្លារអាមេរិកឯណោះ ដែលជាប់ទាក់ទងនឹងផ្នែកផលិតទូរស័ព្ទដែលទិញពីក្រុមហ៊ុន Nokia កាលពីឆ្នាំទៅ ហើយក៏នឹងចំណាយលុយ ៨៥០ លានដុល្លារអាមេរិកបន្ថែមទៀតផងដែរដើម្បីធ្វើរចនាសម្ព័ន្ធសាជាថ្មី។
ក្រុមហ៊ុន Microsoft បាននិងកំពុងប្រឹងប្រែងយ៉ាងខ្លាំងដើម្បីលើកកម្ពស់ការលក់ទូរស័ព្ទដែលដំណើរការដោយប្រព័ន្ធប្រតិបត្តិការ Windows ដែលមិនសូវមានប្រជាប្រិយភាពទេ បើធៀបនឹង iOS របស់ក្រុមហ៊ុន Apple និងAndroid របស់ក្រុមហ៊ុន Google។ កាលពីខែមុន ក្រុមហ៊ុន Microsoft បានប្រកាសថា អតីតប្រធានក្រុមហ៊ុន Nokia លោក Stephen Elop ដែលបានចូលរួមជាមួយនឹងក្រុមហ៊ុននេះ ក៏នឹងចាកចេញផងដែរ។