លោកអ្នកប្រហែលជាបានស្គាល់ លោក Steve Jobs ហើយ។ គាត់ជាស្ថាបនិករបស់ក្រុមហ៊ុនApple ដ៏ល្បីល្បាញរបស់សហរដ្ឋអាមេរិកដែលមនុស្សគ្រប់គ្នាស្គាល់។
លោក Steve Jobs បានទទួលមរណភាពកាលពីប៉ុន្មានឆ្មាំមុននេះ ដោយជំងឺមហារីក។ មុននឹងគាត់ស្លាប់ គាត់បានបន្សល់ទុកស្នាដៃជាច្រើន ដែលក្នុងនោះរួមមាន iPad ផងដែរ។
អ្វីដែលគួរឲ្យចំលែកនោះគឺ អ្នកបង្កើត iPad រូបនេះបានហាមកូនរបស់គាត់មិនឲ្យប្រើប្រាស់ iPad នោះទេ។ នៅពេលដែលកាសែត New York Times របស់សហរដ្ឋអាមេរិច បានសួរទៅលោកថា តើកូនៗរបស់លោកពេញចិត្តនឹង iPad? លោកបានឆ្លើយទៅវិញថា"ពួកគេមិនទាន់បានប្រើប្រាស់ iPad ទេ ពួកយើងដាក់កំរិតទៅលើឧបករណ៏ បច្ចេកវិទ្យាដែលកូនយើងប្រើបាស់នៅផ្ទះ"។
វាជារឿងដ៏ចម្លែកមួយសម្រាប់យើងគ្រប់គ្នា ក៏ប៉ុន្តែយើងមិនដឹងថា លោក Steve Jobs ធ្វើបែបនេះក្នុងគោលបំណងអ្វីនោះទេ។
គួរបញ្ចាក់ផងដែរថា នៅសហរដ្ឋអាមេរិក មានសាលាមួយឈ្មោះថា Waldorf School ដែលកុំថាឡើយឧបករណ៏ទំនើប សូម្បីតែកុំព្យូរទ័រក៏គ្មានដែរ ក៏ប៉ុន្តែមានឪពុកម្តាយខ្លះបានបញ្ចូនកូនទៅរៀននៅសាលានោះ ព្រោះខ្លាចកូនៗរបស់ពួកគេ ងប់ងល់និងបច្ចេកវិទ្យាខ្លាំងពេក៕
.gif)
