SuperAngkor News | Cambodia News | Khmer News | World News | News | Health | Technoloy | Star | Travel

AFP កាលពីពេលថ្មីៗកន្លងមកផ្សាយថា ក្រុមអ្នកស្រាវជ្រាវបង្ហាញលទ្ធផលអាថ៌កំបាំងនៃការប្រមូលផ្តុំរាងជារង្វង់មូលរបស់វាលស្មៅដែលមានឈ្មោះថា «រង្វង់េទពអប្សរា» ដែលប្រទះឃើញជាញឹកញាប់នៅទ្វីបអាហ្វ្រិក គឺជាស្នាដៃរបស់«កណ្តៀរ» ។

លោកន័រប៊ែត ជឺហ្គេន អ្នកជំនាញខាងរុក្ខជាតិនៅមហាវិទ្យាល័យហាមប៊ួក ប្រទេសអាល្លឺម៉ង់ ជាមនុស្សម្នាក់ក្នុងចំណោមអ្នកស្រាវជ្រាវបានបញ្ជាក់ពីលទ្ធផលតាមប្រព័ន្ធវេបសាយឯកសារវិទ្យាសាស្ត្ររបស់អាមេរិកថា ក្រុមជំនាញបានស្រាវជ្រាវពីស្ថានភាពភូមិសាស្ត្រវាលខ្សាច់ដ៏ធំល្វឹងល្វើយលាតសន្ធឹងពីបរិវេណភាគកណ្តាលប្រទេសអង់ហ្គោឡា ទៅភាគខាងជើងអាហ្វ្រិកខាងត្បូង ។

តំបន់នោះ ក្រុមការងារបានកត់សម្គាល់ពីសកម្មភាពរបស់ហ្វូងកណ្តៀរដ៏សន្ធឹកសន្ធាប់ដោយកកេរឫសឈើ និងស្មៅ បង្កឱ្យកើតធាតុផ្សំផ្នែកសរីរវិទ្យានៃប្រព័ន្ធជម្រករបស់ធញ្ញជាតិនៅក្បែរនោះ ឱ្យក្លាយជារង្វង់មូល ។ នៅពេលភ្លៀងធ្លាក់ស្មៅនឹងស្រូបទឹករក្សាទុក ក្លាយជាអាងផ្ទុកទឹកដ៏សំខាន់សម្រាប់ធញ្ញជាតិ និងកណ្តៀរ រួមទាំងវត្ថុមានជីវិតផ្សេងៗទៀតនៅ ទីនោះ ។ លោកជឺហ្គេនបានសន្និដ្ឋានថា បាតុភូតធម្មជាតិរាងជារង្វង់មូលវាលស្មៅនោះ អាចជាផ្នែកមួយនៃប្រព័ន្ធជម្រកសត្វ ដោយមានកណ្តៀរជាអ្នកគ្រប់គ្រង មានតួនាទីបំលែងស្ថានភាពវាលខ្សាច់ឱ្យក្លាយជាវាលស្មៅ ។ក្រុមការងារនឹងបន្តប្រមែប្រមូលគំរូពីវាលខ្សាច់នោះ ដើម្បីវិភាគឱ្យបានល្អិតល្អន់ជាងនេះ៕