SuperAngkor News | Cambodia News | Khmer News | World News | News | Health | Technoloy | Star | Travel

ទ្វារមាសឬ យោនីជាសរីរាង្គដ៏អស្ចារ្យដែលផ្ដល់ភាពស្រណុកសុខស្រួលផ្លូវភេទ និងរួមចំណែកបង្កើតកូនចៅ។ ប៉ុន្តែស្ត្រីជាច្រើនមិនបានស្វែងយល់ពីវាឲ្យស៊ីជម្រៅនោះទេ។ នេះជាការពន្យល់ខ្លីៗពីប្រដាប់ភេទស្រីជាទូទៅ។

១. ទ្វារមាសគឺជាច្រកល្អាងនៅក្នុង៖
ទ្វារមាសសំដៅលើរន្ធដែលភ្ជាប់ពីសាច់ក្លែប ឬបបូរមាត់យោនីទៅមាត់ស្បូន។

២. សណ្ឋានទ្រង់ទ្រាយដូចគ្នា៖
ទ្វារមាស របស់ស្ត្រីនីមួយៗ ជាទូទៅមានរាងជាបំពង់ដូចៗគ្នា។ អ្វីដែលខុសគ្នានោះ គឺទ្រង់ទ្រាយក្លែបសាច់ និងគ្រាប់ល្មុតនៅក្រៅ។ ជាទូទៅទំហំគ្រាប់ល្មុតប្រមាណជា២សង់ទីម៉ែត្រ រីឯក្លែបសាច់ទាំងពីរ មានសណ្ឋានដូចស្លាបមេអំបៅ។

៣. ពណ៌ខុសៗគ្នា៖
ពណ៌ប្រដាប់ភេទ អាស្រ័យលើសម្បុរស្បែក រាងកាយរបស់អ្នក ពោលគឺវាអាចមានពណ៌ត្នោត ស៊ីជម្ពូ ក្រមៅ ឬពណ៌ស្វាយ។

៤. ជញ្ជាំងល្អាងបិទជិត៖
សាច់នៅក្នុងល្អាងទ្វារមាស តែងតែបិទជិត ប្រសិនបើគ្មានវត្ថុអ្វី ស៊កបញ្ចូលទៅក្នុងនោះ។ រន្ធទ្វារមាសអាចរីកទំហំពី២ទៅ៥សង់ទីម៉ែត្រ ឬក៏ធំជាងនេះនៅពេលសម្រាលកូន។

៥. រួមភេទធម្មតា មិនធ្វើឲ្យធូររលុងទេ៖
ការ រួមភេទមិនធ្វើឲ្យរន្ធយោនី ធូររលុងនោះទេ។ វាជាសាច់ដុំដែលមានភាពយឺត និងរួមមាឌដូចដើមវិញបាន។ ប៉ុន្តែក្រោយពេលសម្រាលកូន ទ្វារមាសមានសភាពធូររលុងបន្តិច។

៦. ការតមសិចមិនអាចធ្វើឲ្យតឹងណែនទេ៖
វាមិនពិតទេដែលថា ការតមរួមភេទរាប់ខែ អាចធ្វើឲ្យទ្វារមាសរួមតូច រហូតធ្វើឲ្យមានការឈឺចាប់ ពេលស៊កបញ្ចូលលិង្គ លើកក្រោយ។

៧. សាច់ដុំទ្វារមាសអាចហ្វឹកហាត់បន្តឹង៖
លំហាត់ប្រាណនេះហៅថា ឃីហ្គល (kegel) ដែលអាចធ្វើបាន ដោយការបញ្ជាខ្ជឹបសាច់ដុំ (ដូចការបង្អាក់ទឹកនោម) ប្រមាណ១០វិនាទី រួចបន្ធូរវាវិញ ហើយធ្វើបែបនេះ ឲ្យបាន១០ទៅ២០ដង ក្នុង១លើក និង២លើកក្នុង១ថ្ងៃ។

៨. ទ្វារមាសមានបាក់តេរីល្អ និងអាក្រក់៖
ទ្វារមាសមានពពួកបាក់តេរីល្អ នៅប្រចាំការដូចជា ពពួកឡាក់តូបាក់ស៊ីលី (Lactobacilli) ស្រដៀងនឹងបាក់តេរីក្នុងទឹកដោះគោជូរដែរ។

៩. ការសម្អាតដោយស្វ័យប្រវត្តិ៖
វាមិនចាំបាច់រុករានដុសលាងទេ គឺវាមានប្រព័ន្ធលាងសម្អាត ស្វ័យប្រវត្តិពីធម្មជាតិ។ អ្វីដែលគួរសម្អាតគឺផ្នែកខាងក្រៅទ្វារមាសប៉ុណ្ណោះ។

១០. ការជម្រះស្មៅតំបន់ត្រីកោណ៖
សក់តូចៗមិនមែនជារបស់ ការពារសរីរាង្គមួយនេះទេ។ ពោលគឺអ្នកអាចទុកវាឲ្យដុះស៊ប់ទ្រុប កាត់តម្រឹម ឬកោរវាចេញឲ្យរលីងស្អាតក៏បាន អាស្រ័យលើចំណូលចិត្តរបស់អ្នក។

១១. ក្លិនប្រែប្រួលតាមពេលវេលា៖
ទ្វារមាសស្ត្រីម្នាក់ៗមានក្លិនខុសៗគ្នា។ ប៉ុន្តែក្លិននេះទំនងជាធុំបន្តិច នៅពេលដែលជិតមករដូវ ឬក្រោយពេលហាត់ប្រាណ។

១២. បំបាត់ការឈឺចាប់៖
វាបំពាក់ដោយសរសៃប្រសាទរំញោច ហើយនៅពេលរួមភេទ ដ៏ស្រើបស្រាល វាអាចបញ្ចេញអ័រម៉ូនម៉្យាង ដែលជួយបំបាត់ការឈឺចាប់។

១៣. រួមភេទច្រើនដង ក្នុងពេលខ្លីអាចឈឺ៖
ការរួមភេទបែបកំរោល ឬច្រើនដងក្នុងពេលខ្លី អាចធ្វើឲ្យមានការដាច់រលាត់ខ្លាំង ក៏ដូចជាធ្វើឲ្យកើតជំងឺរលាករន្ធនោមផងដែរ។

១៤. របស់រាវធ្លាក់ចេញមកក្រៅ៖
ទឹកចេញ តាមទ្វារមាសអាចមានបរិមាណរហូតដល់២ស្លាបព្រាកាហ្វេក្នុង១ថ្ងៃ និងសភាពថ្លា ឬខាប់ដូចម្សៅអាស្រ័យលើថ្ងៃខែមករដូវ។

១៥. កុំភ័យខ្លាចជ្រុះ របស់បាត់ក្នុងទ្វារមាស៖ ទ្វារមាសមិនមែនជារន្ធ ល្ហល្ហេវឥតព្រំដែនទេ គឺវាមានសភាពបិទជិតត្រង់មាត់ស្បូន។

១៦. កែកុនទ្វារមាស បង្កើនអារម្មណ៍សិច៖
អ្នកខ្លះថា ការវះកាត់កែកុនទ្វារមាស បង្កើនភាពស្រណុកសុខស្រួល ពេលរួមភេទ ប៉ុន្តែវាមិនមែនជាតម្រូវការវេជ្ជសាស្ត្រចាំបាច់ទេ ហើយវាក៏អាចធ្វើឲ្យប៉ះពាល់ ដល់សរសៃប្រសាទផងដែរ។

១៧. ការដេរបន្តឹងទ្វារមាស៖
មកទល់បច្ចុប្បន្ន មិនមានការសិក្សាស្រាវជ្រាវ ណាអះអាងថា ការបន្តឹងទ្វារមាសអាចធ្វើឲ្យ ជីវិតលើគ្រែរបស់ស្ត្រីប្រសើរឡើងនោះទេ។

១៨. ការវះកាត់សាច់ក្លែបបបូរក្រោម៖
ស្ត្រីភាគច្រើនមានសាច់ក្លែបទាំងសងខាងមិនស្មើគ្នាទេ ហើយការវះកាត់កែតម្រូវវាឲ្យស្មើគ្នាមិនមែនជារឿងចាំបាច់ឡើយ។

១៩. ថ្នាំចាក់ជួយឲ្យដល់ឋានសួគ៌៖
ការចាក់ថ្នាំដើម្បីពង្រីកតំបន់ ជីស្ប៉ត អាចបង្កើនអារម្មណ៍ ស្រើបស្រាលនោះ កំពុងស្ថិតក្នុងភាព ស្រពេចស្រពិលនៅឡើយទេ។

២០. ការបង្កើតសន្ទះព្រហ្មចារី៖
ការធ្វើសន្ទះព្រហ្មចារី និងឈាមសិប្បនិម្មិត អាចត្រឹមបោកប្រាស់ដៃគូមួយចំនួន ប៉ុន្តែវាមិនអាចធ្វើឲ្យស្ត្រីនោះ មានអារម្មណ៍ដូច ការរួមភេទលើកដំបូងឡើយ៕