SuperAngkor News | Cambodia News | Khmer News | World News | News | Health | Technoloy | Star | Travel

ដើមអម្ពិល, នៅពេលនិយាយដល់ សុខមាលភាព ផ្លូវកាយ និងផ្លូវចិត្ដរបស់បុរស ចំពោះសុខភាពផ្លូវភេទ របស់គាត់ អ្នកជំនាញបាន លើកឡើងថា របបអាហារប្រចាំថ្ងៃ ដើរតួនាទីយ៉ាងសំខាន់ ក្នុងការបង្កើន ថាមពេលផ្លូវភេទ។ គំនិតសំខាន់នៅពីក្រោយ របបអាហារប្រចាំថ្ងៃ និងការរួមភេទ ទាក់ទងនឹងសុខភាព សរសៃឈាមរបស់អ្នក។ ប្រសិនបើសរសៃឈាម របស់អ្នកមាន សុខភាពល្អ ថាមពលផ្លូវភេទ ក៏រឹងមាំ នោះដែរ វាមានន័យថា របបអាហារ ល្អប្រសើរ សម្រាប់សុខភាពបេះដូង អាចនាំទៅ រកការលើកកម្ពស់ សុខភាពផ្លូវភេទ។

របបអាហារ ៖ យោងតាមប្រសាសន៍ លោក Robert Fried កវីនិពន្ធសៀវភៅ Great Food, Great Sex បានឱ្យដឹងថា របបអាហារបង្កើនសុខភាព បេះដូងរបស់អ្នក អាចជំរុញឱ្យសុខភាពផ្លូវភេទ របស់អ្នកមានថាមពល។ ហេតុដូច្នេះរបប អាហារអ្នកទទួលទាន ប្រចាំថ្ងៃ គួរតែផ្ទុកជាតិអំបិលតិច ជាតិកូឡេស្តេរ៉ូល និងជាតិខ្លាញ់ឆ្អែតទាប ប៉ុន្ដែត្រូវដាក់រួមបញ្ចូល ផ្លែឈើ បន្លែ និងធញ្ញជាតិ ឱ្យបានច្រើន ។ អ្នកគួរតែបង្កើន សារធាតុប្រូតេអ៊ីន ដោយការទទួលទាន សាច់សត្វមិនផ្ទុកជាតិ ខ្លាញ់ច្រើន ដូចជា សាច់មាន់ទា គ្រឿងសមុទ្រ សណ្ដែកកួ តៅហ៊ូ និងសណ្ដែកសៀង។

គុណប្រយោជន៍នៃ របបអាហារទាំងអស់នោះ មានប្រសិទ្ធភាពអាចជួយឱ្យ សរសៃឈាមរបស់អ្នក មានសុខភាពល្អ។នៅពេលសរសៃឈាម របស់អ្នកត្រូវបានថែរក្សា នៅក្នុងកម្រិតដ៏ប្រសើរ ចលនាឈាមរត់របស់អ្នក ក៏ស្ថិតនៅក្នុងកម្រិតល្អដែរ ដែលមានគុណប្រយោជន៍ ជំនួយដល់ ការឡើងរឹងរបស់លិង្គ។

លក្ខណៈពិសេស ៖ លក្ខណៈពិសេសនៃ របបអាហារប្រភេទទាំងនេះ ទាក់ទិនទៅនឹងការបង្កើនការទទួលទានប្រភេទអាហារផ្ទុកសារធាតុ ប្រឆាំងនឹងអុកស៊ីដកម្មខ្ពស់។ សារធាតុប្រឆាំងនឹងអុកស៊ីដកម្មមួយចំនួន ដូចជា beta carotene ,lycopene, selenium ជីវជាតិ A, C និងE ជួយការពារកោសិកា របស់អ្នកពីការខូច ដោយសារ បរិយាកាសពុល ។ប្រភេទបន្លែ និងផ្លែឈើមានពណ៌ភ្លឺ ផ្ទុកនូវសារធាតុប្រឆាំងនឹងអុកស៊ីដកម្ម និងសារធាតុចិញ្ចឹមជាច្រើន ដែលមានឥទ្ធិពលប្រសើរ ដល់សុខភាពផ្លូវភេទរបស់អ្នក។

ក្រៅអំពីរបបអាហារ សម្រាប់សុខភាពបេះដូង អ្នកជំនាញបញ្ជាក់ទៀតថា សារធាតុរ៉ែ និងអាស៊ីដអាមីណូ អាចជួយបង្កើនសុខភាព ផ្លូវភេទរបស់អ្នក។ យោងតាមគ្លីនិកវេជ្ជសាស្រ្ដ Mayo បានឱ្យដឹងថា ជាតិស័ង្កសីមិនគ្រប់គ្រាន់ អាចនាំទៅរកដំណើរការ ច្របូកច្របល់នៃ ការឡើងរឹងលិង្គ របស់បុរស។ ការបង្កើនសារធាតុរ៉ែនេះ នៅក្នុងរបបអាហារ របស់អ្នក អាចទប់ស្កាត់នូវ ការប៉ះពាល់នេះបាន។ ប្រភេទអាហារ សម្បូរដោយ ជាតិស័ង្កសី ដូចជា គ្រឿងសមុទ្រ មាន់ទាសាច់គោ ធញ្ញជាតិ គ្រាប់ផ្លែឈើ ទឹកដោះគោ ផ្លែប៊ឺ ចេក ស្លឹកផ្ទី ត្រសក់ ដំឡូងជ្វារ ផ្កាខាត់ណា និងសណ្ដែកកួ៕