SuperAngkor News | Cambodia News | Khmer News | World News | News | Health | Technoloy | Star | Travel

ស្ត្រីជនជាតិជប៉ុនម្នាក់ មានអាយុវែងជាងគេបំផុតនៅលើពិភពលោក។ ស្ត្រីជនជាតិជប៉ុននោះ ឈ្មោះមីសាអុ អូកាវ៉ា (Misao Okawa)។ គាត់បានត្រូវគេអញ្ជើញ ឲ្យមកចែករំលែក ពីរបៀបរស់នៅ ដើម្បីមានអាយុវែង ហើយនៅតែមានស្មារតីឈ្លាសវៃដដែល។

Misao Okawa កើតនៅឆ្នាំ ១៨៩៨ , ឆ្នាំនេះ លោកយាយ មានអាយុ ១១៦ ឆ្នាំ។ ឆ្នាំដែលលោកយាយកើតមហា ក្សត្រយានី វិកតូរីយា នៅសោយរាជ្យនៅឡើយ , សង្គ្រាមអេស្ប៉ាញ អាមេរិក កំពុងនៅដំណាក់កាលក្តៅគគុកបំផុត ហើយ Horatio Kitchener ឈ្នះសមរភូមិ Omdurman។

លោកយាយ Misao Okawa ត្រូវបានទទួលស្គាល់ ជាមនុស្សអាយុវែងបំផុតនៅលើពិភពលោក, នៅវ័យ ១១៦ ឆ្នាំ តែលោកយាយនៅតែភ្លឺស្វាង និងមានសុខភាពល្អ ។
លោកយាយចែករំលែកអាថ៌កំបាំង អាយុវែងរបស់ខ្លួន ជាមួយអ្នកសារពត៌មានថា៖"ខ្ញុំរស់នៅក្នុងជីវភាព ដូចមនុស្សធម្មតាដទៃទៀត, ក្នុង១ថ្ងៃ គេងគ្រប់ ៨ ម៉ោង និងទទួលទាន Sushi ជាប្រចាំ។ ពុំត្រឹមតែប៉ុណ្ណឹងទេ អ្នកនៅត្រូវរៀនវិធីបន្ធូរសាច់ដុំ ឲ្យរាងកាយសម្រាក " ។

Misao Okawa ជាកូនស្រីរបស់ជាងកាត់ដេរ Kimono ល្បីឈ្មោះទី២ នៅជប៉ុន បានក្លាយជាមនុស្ស អាយុវែងបំផុត នៅលើពិភពលោក ក្រោយពេល Jireomon Kimura (១១៦ ឆ្នាំ) បានស្លាប់កាលពីខែមិថុនា ឆ្នាំ២០១៣។

ពួកអ្នកវិទ្យាសាស្ត្រ បានឲ្យដឹងថា ពុំមែនចៃដន្យឡើយ ដែលមនុស្សចាស់បំផុត នៅលើពិភពលោក ទាំង ២ នាក់ ជាជនជាតិជប៉ុន, ស្រុកកំណើតរបស់មនុស្សចាស់ អាយុលើស ១០០ ឆ្នាំ ជាង ៥៤.៣៩៧ នាក់។ លោកយាយ Misao Okawa ទទួលទាន ៣ ពេល ក្នុង ១ ថ្ងៃ ហើយជានិច្ចកាល គាត់សម្រានគ្រប់ ៨ ម៉ោង ។ អាហារចំណូលចិត្តរបស់លោកយាយគឺ Sushi , ត្រីធូណា និងទឹកខ្មេះអង្ករ។

ពេលត្រូវបានសួរ អំពីអំឡុងពេល សុភមង្គលបំផុតរបស់ខ្លួន ពេលបានរស់នៅឆ្លងកាត់ ៣ សតវត្សរ៍ , លោកយាយបានរំលឹកឡើងវិញ អំពីអាពាហ៍របស់ខ្លួន ជាមួយលោក Yukio Okawa នៅឆ្នាំ ១៩១៩ និងថ្ងៃកំណើតរបស់កូនទាំង៣នាក់ ។ កូនប្រុស និងកូនស្រីម្នាក់របស់លោកយាយ បច្ចុប្បន្ន នៅរស់នៅឡើយ និងមានអាយុ ៩៤ និង ៩២ ឆ្នាំ ។ លោកយាយមានចៅទួត ដល់ ៤នាក់ និងចៅលួត ៦នាក់។

អាយុមធ្យមរបស់ស្ត្រីជប៉ុន សព្វថ្ងៃនេះគឺជាង ៨៥ ឆ្នាំ និងមានដល់ជាង ៨៧% អាយុលើស ១០០ឆ្នាំ ។ ចំណែកបុរសនៅជប៉ុន មានអាយុមធ្យម ទាបជាង ៧៩ ឆ្នាំ ។ ទាក់ទងនឹងការរស់នៅ ក្នុងប្រទេសមួយខ្វះធនធាន និងមានជីវិតសោមនស្សរីករាយ , សុទិដ្ឋិនិយម , ជនជាតិជប៉ុន ជានិច្ចកាលឈរនៅជួរមុខ អំពីអត្រាមនុស្សអាយុវែងបំផុតនៅលើពិភពលោក៕