SuperAngkor News | Cambodia News | Khmer News | World News | News | Health | Technoloy | Star | Travel

ធ្វើឲ្យធ្មេញស្អាតឥឡូវនេះ ពុំលំបាកទៀតឡើយ មជ្ឈមណ្ឌល NASA របស់អាមេរិក បានបង្កើតបច្ចេកវិទ្យាថ្មី ធ្វើឲ្យធ្មេញស្អាត "ដូចសុបិន្ត" តែក្នុងរយៈពេល១ថ្ងៃ។ សម្ពាធការងារប្រចាំថ្ងៃ របស់ពួកតារាហូលីវូដ គឺធ្វើយ៉ាងណាឲ្យសំណើចរបស់គេស្រស់ និងទាក់ទាញបំផុត ។ ការបង្ហាញមុខចំពោះមហាជនជាប្រចាំ ធ្វើឲ្យអ្នកល្បីឈ្មោះច្រើនត្រូវហាត់សើចយ៉ាងច្រើន និង "បង្អួត" ធ្មេញដ៏ភ្លឺស្អាតសដូចគុជ ។ ការសិក្សាស្រាវជ្រាវមួយថ្មីៗនេះ ថែមទាំងបង្ហាញថា ធ្មេញជារឿងដំបូងដែលគ្រប់គ្នា មើលឃើញពេលជួប មនុស្សណាម្នាក់នោះ ។ សំណើចយ៉ាងស្រស់ និងទាក់ទាញ នឹងដណ្តើមបានមនោសញ្ចេតនា យ៉ាងលឿន ។

ពួកតារាហូលីវូដតែងប្រាថ្នា មានធ្មេញសរលោង រហូតមកទល់នឹងថ្មីៗនេះ ការគាបធ្មេញជាវិធីតែមួយគត់ ដើម្បីមានធ្មេញស្មើស្អាត និងល្អឥតខ្ចោះ។ ទន្ទឹមនោះការគាប បានបង្កការឈឺចាប់មួយ និងអូសបន្លាយយ៉ាងយូរ។ ដូច្នេះហើយក្រោយមួយរយៈពេលស្រាវជ្រាវ ពួកវេជ្ជបណ្ឌិតនៅ NASA បានរកឃើញ វិធីព្យាបាលថ្មីមួយ ធ្វើឲ្យធ្មេញស្រស់ស្អាត តែក្នុងរង្វង់១ថ្ងៃ ។

ការបដិវត្តន៍អំពីធ្មេញនេះ ត្រូវបានបន្ទប់ស្រាវជ្រាវ Elleven សហការជាមួយបណ្ឌិត កែសម្ផស្សធ្មេញ Julian Caplan ។ Elleven ប្រើប្រាស់ប្រព័ន្ធម៉ាស៊ីនមួយ ឈ្មោះថា CEREC ដើម្បី "ស្កេន" ធ្មេញទាំងអស់របស់អ្នកជំងឺ ជារូបថត 3D មួយ ។ បន្ទាប់មកប្រើប្រាស់រូបថតនេះ ដើម្បីស្ថាបនាជាធ្មេញដ៏ល្អឥតខ្ចោះ សម្រាប់អ្នកជំងឺ អាស្រ័យទៅតាមស្ថានភាពធ្មេញ CEREC នឹងផ្តល់ដំណោះស្រាយ ស្រោបព័រសឺឡែន ឬថតធ្មេញ ។ បន្ទាប់មកទៀត CEREC នឹងបង្កើតផ្ទាំង ព័រសឺឡែនរលោងមួយ និងកសាងឡើងវិញ ធ្មេញសម្រាប់អ្នកជំងឺ ភ្លាមមួយរំពេច ។ តែប៉ុន្មានម៉ោងក្រោយ អ្នកជំងឺនឹងមានធ្មេញ ដ៏ល្អស្រស់ដូចបំណងប្រាថ្នា ។

ម៉ាស៊ីនស្កេន និងការស្ថាបនាធ្មេញថ្មីឲ្យអ្នកជំងឺ តម្លៃកែសម្ផស្សធ្មេញ តាមបច្ចេកវិទ្យារបស់ NASA គឺប្រមាណ ១០.០០០ផោន ។ តែចំនួនភ្ញៀវទៅកាន់បន្ទប់ពិនិត្យ Elleven កំពុងកើនឡើងយ៉ាងច្រើន ។ មានដល់ ៧៥% នៃអតិថិជនមកពីបរទេស មជ្ឈឹមបូព៌ា រុស្ស៊ី និងឥណ្ឌា ៕