SuperAngkor News | Cambodia News | Khmer News | World News | News | Health | Technoloy | Star | Travel

តាមការស្រាវជ្រាវថ្មីមួយ បានឲ្យដឹងថា អ្នកគេងថ្ងៃត្រង់យូរ ប្រឈមនឹងការកើតជំងឺទឹកនោមផ្អែម។ និយាយម្យ៉ាងទៀត ពេលវេលាគេងថ្ងៃត្រង់ខុសគ្នា មានឥទ្ធិពលផ្សេងគ្នា ទៅដល់សុខភាព ។

ដំណេកថ្ងៃត្រង់ នៅតែជាប្រធានបទជជែកគ្នានៅក្នុងមជ្ឈដ្ឋានអ្នកវិទ្យាសាស្ត្រ ក្នុងពេលពួកអ្នកស្រាវជ្រាវមួយចំនួន បានចាត់ទុកថា ដំណេកខ្លីមួយនៅថ្ងៃត្រង់ អាចនាំមកផលប្រយោជន៍សុខភាពសកម្មតែមួយចំនួនផ្សេងទៀត និយាយថា ដំណែកថ្ងៃត្រង់មិនល្អទៅដល់សុខភាព ហើយថែមទាំងអាចធ្វើឲ្យថយអាយុផងដែរ ។
.គេងថ្ងៃត្រង់យូរពេក មានហានិភ័យកើតជំងឺទឹកនោមផ្អែម
ក្នុងការស្រាវជ្រាវនេះ ពួកអ្នកវិទ្យាសាស្ត្របានសិក្សាលើជនជាតិចិនជាង ២៧.០០០ នាក់ដែលបានចូលនិវត្តន៍ ក្នុងនោះ មានទាំងបុរស និងស្ត្រី ។ អ្នកទាំងនេះ ត្រូវបានចែកជាក្រុមផ្សេងៗគ្នា ផ្អែកលើពេលវេលាគេងថ្ងៃត្រង់របស់គេ។ ពីការមិនគេងសោះទៅដល់គេងជាង ៦០ នាទី ។ ចំនួនជាង២ភាគ៣ពោលគឺប្រមាណ១៨.៥០០នាក់នៃអ្នកចូលរួមឲ្យដឹងថាពួកគេគេងថ្ងៃត្រងជាប្រចាំ។ក្រោយពេលសម្រួលទាំង កក្តាផ្សេងៗដូចជាៈ ជក់បារី, បរិមាណពេលវេលាសម្រាប់ដំណេកពេលយប់ និងសកម្មភាពរាងកាយនោះ លទ្ធផលបង្ហាញថា អ្នកគេងថ្ងៃត្រង់ច្រើនជាងមួយម៉ោង មានហានិភ័យខ្ពស់ កើតជំងឺទឹកនោមផ្អែម បើប្រៀបនឹងអ្នកមិនគេងថ្ងៃត្រង់ ។

អ្នកស្រី Elian Lucassen អ្នកស្រាវជ្រាវមួយរូប នៅមជ្ឈមណ្ឌលវេជ្ជសាស្ត្រ នៃសាកលវិទ្យាល័យ Leiden នៅហុល្លង់ ឲ្យដឹងថាៈ “គំហើញនេះ មានអត្ថន័យសំខាន់ចំពោះអ្នកទទួលទានដំណេកថ្ងៃត្រង់ជាប្រចាំ ។ ដំណេកខ្លីអាចមានប្រយោជន៍ចំពោះមនុស្ស១ចំនួន ហើយក៏មិនគួរគេងយូរពេកនោះដែរ” ។ ការស្រាវជ្រាវមុនៗនេះ បានបង្ហាញពីទំនាក់ទំនង រវាងជំងឺទឹកនោមផ្អែម និងការគេងតិចពេក ឬ ច្រើនពេក នៅពេលយប់ ។ ពួកអ្នកស្រាវជ្រាវឲ្យដឹងថា ការគេងថ្ងៃច្រើនពេក ក៏បង្កជាភាពច្របូកច្របល់នាឡិកាជីវសាស្ត្រ ៕