SuperAngkor News | Cambodia News | Khmer News | World News | News | Health | Technoloy | Star | Travel

ក្រុមអ្នកស្រាវជ្រាវ១ក្រុម នៅសាកលវិទ្យាល័យ Tompere -ហ្វាំងឡង់ បានរកឃើញប្រភេទវីរុសបង្កជំងឺទឹកនោម ផ្អែមប្រភេទ១ ។ ប្រភេទរីរុស Enterovirus នេះវាយប្រហារក្រពេញលំពែង និងបំផ្លាញកោសិកាផលិតអាំងស៊ុយលីន នាំដល់ជំងឺទឹកនោមផ្អែម ។ របកគំឃើញនេះ ផ្តល់ក្តីសង្ឃឹម ក្នុងការផលិតវ៉ាក់សាំងសម្រាប់ជំងឺទឹកនោមផ្អែម ។

ពួកអ្នកស្រាវជ្រាវបានពិនិត្យមើលជាង ១០០ ស៊េរីហ្សែនខុសៗគ្នា របស់វីរុស Eterovirus និងកំណត់បាន ៥ ស៊េរីហ្សែនបង្កជាជំងឺទឹកនោមផ្អែមប្រភេទ១ ។ “យើងខ្ញុំបានកំណត់បានប្រភេទវីរុសមានលទ្ធភាពបង្កជំងឺខ្ពស់បំផុត ។ វ៉ាក់សាំងប្រឆាំងទប់ទល់វីរុសនេះ ក៏នឹងមានប្រសិទ្ធិភាពប្រឆាំងតបញាតិសន្តានរបស់វា” -សាស្ត្រាចារ្យ Heikki Hy-ty នៅក្រុមស្រាវជ្រាវឲ្យដឹង ។

ប្រភេទវីរុស Enterovirus ដូចគ្នាក៏បង្កជាជំងឺគ្រុនស្វិតដៃជើង តែអាស្រ័យដោយមានវ៉ាក់សាំង វាបានត្រូវលុបបំបាត់ទាំងស្រុង នៅទីកន្លែងជាច្រើនលើពិភពលោក ។ បច្ចុប្បន្ន វ៉ាក់សាំងពិសោធន៍១ប្រឆាំងរីវរុសបង្កជាទឹកនោមផ្អែម បានសម្រេច និងកំពុងត្រូវបានសាកល្បងលើសត្វ ។ សាស្ត្រាចារ្យ Hy-ty ឲ្យដឹងថា លទ្ធផលពិសោធន៍វ៉ាក់សាំងនេះ លើសត្វកណ្តុរគួរជាទីគាប់ចិត្តណាស់ ។ ប៉ុន្តែ ក៏តាមសាស្ត្រាចារ្យ Hy-Ty ដើម្បីអាចដំណើរការពិសោធន៍លើមនុស្ស ពួកអ្នកវិទ្យាសាស្ត្រ កំពុងត្រូវការទឹកប្រាក់ដល់ ៧០០ លានអឺរ៉ូ ។ ចំណាយជាឧបសគ្គធំបំផុត សម្រាប់ពួកអ្នកវិទ្យាសាស្ត្រ ក្នុងគម្រោងស្រាវជ្រាវវ៉ាក់សាំងទឹកនោមផ្អែម ។

ពួកអ្នកវិទ្យាសាស្ត្រ សង្ឃឹមថា នឹងឆាប់វៃអង្គាសបានចំនួនទឹកប្រាក់នេះ ពីអាមេរិក និងអឺរ៉ុប ដើម្បីអាចឆាប់នាំយកវ៉ាក់សាំងនេះ ទៅអនុវត្តជាក់ស្តែង ៕