នៅថ្ងៃចន្ទនេះ អតីតមេ Nokia បានចេញមុខបកស្រាយពីបញ្ហាដែល Nokia ព្យួរប្រព័ន្ធដំណើរការ Symbian ចោល ហើយងាកមកប្រើ Windows Phone វិញ។ លោក Stephen Elop អតីតនាយកប្រតិបត្តិ Nokia និងបច្ចុប្បន្នជា អនុប្រធានជាន់ខ្ពស់ ទទួលបន្ទុកផ្នែក អាជីវកម្មទូរស័ព្ទចល័ត ដែលទើបនឹងទិញពី Nokia បានថ្លែងឲ្យដឹងថា ក្រុមហ៊ុន Nokia មានទំនាក់ទំនងល្អជាមួយ Microsoft ខណៈពេលដែល Symbian មានបញ្ហា ដូច្នេះក្រុមហ៊ុនត្រូវ សម្រេចចិត្តជ្រើសរើសយក Windows Phone ដោយត្រូវទុក Symbian មួយរយៈ។
អតីតនាយកប្រតិបត្តិរូបនេះ បានបន្តទៀតថា មិនមែនមកពីមេរោគទើប Nokia បានបោះបង់ Symbian នោះទេ ប៉ុន្តែមកពីមានបញ្ហាបច្ចេកទេស ដូច្នេះទើប Nokia ត្រូវទុក Symbian ឲ្យនៅមួយរយៈ និងម្យ៉ាងទៀតនៅពេលនេះ Nokia ត្រូវពង្រីកកេរ្តិ៍ឡើងវិញជាមួយ Microsoft។
គួរបញ្ជាក់ផងដែរថា ប្រព័ន្ធដំណើរការ Symbian បានធ្វើឲ្យស្មាតហ្វូន Nokia ល្បីល្បាញយ៉ាងខ្លាំង ស្ទើតែនាំមុខគេទាំងអស់ ក្នុងចំណោមក្រុមហ៊ុន ផលិតទូរស័ព្ទ៕
.gif)
