SuperAngkor News | Cambodia News | Khmer News | World News | News | Health | Technoloy | Star | Travel

តាំងពីការចាប់ផ្តើមដំបូងនៃអាកាសចរណ៍ដឹកអ្នកដំណើរ ក្លឹបដែលគេហៅថា "‘Mile-High Club" (ជាក្លឹបសម្រាប់បុគ្គលដែលស្វែងរកការរួមភេទខណៈកំពុងនៅលើយន្តហោះ) មានភាពសក្តិសមបំផុតចំពោះពួកតារាចម្រៀងរ៉ុក គូស្នេហ៍ស្វែងរកការក្រេបទឹកឃ្មុំ និង អ្នកធ្វើដំណើរតាមយន្តហោះញឹកញាប់ក្នុងចំនួនសម្រិតសម្រាំងមួយ ដែលស្វែងរកស្នេហានៅលើមេឃ។

៦២ ឆ្នាំចាប់តាំងពីឱកាសក្នុងការចូលរួមជាមួយក្លឹបផ្តាច់មុខខាងលើ ដែលផ្តល់សេវាកម្មធ្វើដំណើរបែបនេះដល់សាធារណៈជនដំបូងគេនោះ សព្វថ្ងៃក្រុមហ៊ុនធ្វើដំណើរមួយបានចាប់ផ្តើមដំណើរការក្លឹបមួយដែរហៅថា Mile-Low Club ជាសេវាកម្មមួយអនុញ្ញាតឲ្យអ្នកធ្វើដំណើរ ដែលចូលចិត្តភាពរំភើបរីករាយ ចុះទៅក្រោមសមុទ្រក្នុងពេលដំណាលគ្នា។

គូស្នេហ៍ជាអ្នកមាន ដែលចង់ចេញដំណើរតាមនាវា អាចស្នាក់នៅក្នុងនាវាមុជទឹកមួយក្នុងចំណោមនាវាមុជទឹកកម្សាន្តកែច្នៃយ៉ាងពិសេស ឈ្មោះហៅក្រៅថា Lovers Deep ដែលថ្មីៗនេះត្រូវបានចតនៅក្នុងតំបន់ការ៉ាអ៊ីព (ដំណឹងអាក្រក់គឺថាស្លាកតម្លៃ ២៨៥.៧៥៧ ដុល្លារនេះមិនបញ្ចូលជើងហោះហើរដើម្បីទៅដល់ទីនោះទេ)។

ក្លឹប Mile-Low Club ដែលបើកទាន់ពេលសម្រាប់ទិវានៃក្តីស្រឡាញ់ឆ្នាំ ២០១៤ សន្យានូវសេវាកម្មមួយ ដែលធ្វើឲ្យគូស្នេហ៍អាច "សម្រាកធូរអារម្មណ៍ ស្រួលខ្លួន និង រីករាយនឹងបរិយាកាសប្រកបដោយលក្ខណៈឯកជនបំផុត នៅចន្លោះមហាសមុទ្រ និង ផ្នែកសេសសល់នៃពិភពលោក" ក្រោមទឹកសមុទ្រជម្រៅ ២០០ ម៉ែត្រ។

ក្រុមហ៊ុន Oliver’s Travels របស់សហស្ថាបនិក លោក អូលីវើ ប៊ែល (Oliver Bell) បាននិយាយថា ដោយបុគ្គលិកបម្រើគឺជានាវិកនៅលើនាវា ដូចនេះនាវាអាចចតនៅទីតាំងមួយ ដែលជ្រើសរើសដោយអតិថិជន មិនថាទីតាំងនោះគឺជាកោះផ្កាថ្មប៉ប្រះទឹកនៅឆ្ងាយពីឆ្នេរសមុទ្រទីក្រុង St. Lucia ឬ ក៏ជាតំបន់នាវាចម្បាំងលិចនៅក្នុងសមុទ្រក្រហមនោះឡើយ។

ជាមួយនឹងការផ្ទេរតាមនាវាលឿនឯកជនមានលក្ខណៈស្តង់ដារ សេវាកម្មនេះក៏អាចត្រូវបានផ្លាស់ប្តូរតាមបំណងជាមួយនឹងជម្រើសបន្ថែមស្រេចចិត្តផងដែរ ដូចជាបន្ទប់ច្រើននៅលើនាវា, ការផ្ទេរតាមឧទ្ធម្ភាគចក្រទៅចុះចតលើវាលខ្សាច់, សេវាកម្មចុះតាមកន្លែងផ្សេងៗតាមចិត្ត ឬ អាហារពេលព្រឹកជាមួយស្រាសាំប៉ាញនៅបន្ទប់ដេក។

ដើម្បីឲ្យបទពិសោធន៍ជាមួយនឹងរបស់ប្រណីតមានលក្ខណៈពេញលេញ បញ្ជីមុខម្ហូបសម្រាប់រសជាតិអាហារដាស់ចំណង់ភេទរបស់អ្នកឯកទេសមួយរូបត្រូវបានបង្កើតឡើងដើម្បីធានាថា ភ្ញៀវមានអារម្មណ៍មួយក្នុងការប្រើប្រាស់ពេញលេញនូវសម្ភារៈរបស់នាវា Lovers Deep ដែលរួមបញ្ចូលផងដែរនូវបន្ទប់ងូតទឹកផ្កាឈូកសម្រាប់មនុស្សពីរនាក់តាមសំណើរបស់អតិថិជន។ មុខម្ហូបលើនាវានេះមានដូចជា អយស្ទ័រ ពងត្រីប្រឡាក់ និងសូកូឡាដែលបង្កើនចំណង់ភេទរួមបញ្ចូលជាមួយរសជាតិផ្លែទទឹម៕