SuperAngkor News | Cambodia News | Khmer News | World News | News | Health | Technoloy | Star | Travel

ក្រុមអ្នកវិទ្យាសាស្ត្ររុស្ស៊ី បានរកឃើញវិធីសាស្ត្រមួយ អាចសម្គាល់បានត្បូងពេជ្រ ឬ ក្លែងក្លាយ ។ ពួកអ្នកស្រាវជ្រាវរបស់វិទ្យាស្ថានរូបវិទ្យា ចំណុះបណ្ឌិតសភាវិទ្យាសាស្ត្ររុស្ស៊ី បានលើកឡើងនូវវិធីសាស្ត្រ២ សំដៅសម្គាល់ត្បូងពេជ្រ បានក្នុងកម្រិត Micro ។ ការគូសសញ្ញាសម្គាល់ដែលពុំអាចសម្លឹងឃើញនេះ ត្រូវបានដំណើរការដោយបច្ចេកវិទ្យា Laser Femto វិនាទី បង្កឡើងជារលកអេកូខ្លី អំឡុងពេលប្រមាណ ១០ ទៅ ១៥ នាទី ។ បុគ្គលិកនៃបន្ទប់ពិសោធន៍ឲ្យដឹងថា រលក Laser នឹងបង្កើតចំណុះ “សម្គាល់” លើរចនាសម្ព័ន្ធអង្គធាតុ ដោយចរន្តអេឡិចត្រូនិក ឬ បណ្តាគ្រប់ថាមពលកម្រិតខ្ពស់ ។

ចំណុច “សម្គាល់” នេះ វាអាចជារូបភាពអ្វីណាមួយនោះ សម្រាប់ជាការគូសចំណាំ ហើយគេអាចលុបវាចោល ដោយម៉ូលេគុលនីត្រូហ្សែន ដែលមាននៅក្នុងត្បូងពេជ្រ ។ តាមនោះ គេអាចអានសញ្ញានិម្មិតឡើង ក្នុងត្បូងពេជ្រ ក្នុងកម្រិតម៉ាយក្រូវ៉េវ ។

បច្ចុប្បន្ន អ្នកវិទ្យាសាស្ត្ររុស្ស៊ី បានចុះបញ្ជីកម្មសិទ្ធិបញ្ញារួចហើយ ។ ចំណែកការគូសសញ្ញាចំណាំទី២ ក៏ប្រើប្រាស់បច្ចេកវិទ្យា Laser Fento វិនាទី ប៉ុន្តែ ខុសគ្នាត្រង់ការគូសចំណាំដោយគេបង្កើតជាដុំសញ្ញា ហៅថា ពន្លឺកាកប៊ូនពុំកំណត់រូបរាង ។ ដុំសញ្ញាដែលមានពណ៌ស្រគាំនេះ អាចសម្លឹងឃើញបានតាមរយៈកែវពង្រីក ដោយភ្នែកធម្មតា ពុំអាចមើលឃើញបានឡើយ អាស្រ័យហេតុនេះ ពួកអ្នកឆបោកដែលធ្លាប់ទទួលបានផលចំណេញក្រាស់ក្រែល ពីការផលិតត្បូងពេជ្រក្លែងក្លាយ ដោយប្រើត្បូងពេជ្រឧស្សាហកម្មបំភ័ន្ត ធ្វើជាត្បូងពេជ្រធម្មជាតិ ពុំអាចបន្លែបន្លំបានទៀតឡើយ ៕